Our YouTube Chanel Smiley face Logo_Dahabshiil_cusub Smiley face

Dhageyso Farmaajo oo ka hadlay ansixinta Xeerka Isgaarsiinta qaranka

Filed under: Wararka |

Madaxweynaha Jamhuuriyadda Federaalka Soomaaliya Maxamed C/laahi Maxamed (Farmaajo) oo maanta booqday xarunta Wasaaradda Warfaafinta Soomaaliya oo ay ku yaallaan TV-ga Qaranka iyo Radio Muqdisho ayaa ka hadlay arrimo badan oo la xiriira xaalada dalka.

Mudane Farmaajo ayaa sheegay in markii labaad ay tahay oo uu Xarunta Wasaaradda Warfaafinta uu soo booqdo, isagoo xusay in sanadkii 2011-kii uu yimid, xilli uu ahaa Ra’iisul Wasaare, xilligaas  oo la howl geliyay Telefishinka Qaranka.

Madaxweynaha ayaa xildhibaanada Baarlamaanka ugu hambalyeeyay ansixinta Xeerka Isgaarsiinta Qaranka, maadaama xildhibaanada sharcigan mudo dheer la horkeenayay ayna diidanaayeen, balse maanta ugu dambeyn ay ansixiyeen.

“Anagoo waqti kooban joognay, in Baarlamaanka Golaha Shacabka sharcigan la horgeeyay ayna ansixiyaan, waxa ay ka mid tahay guulaha iyo hormarka ay gaartay xukuumadda, waxaan rajeynayaa Aqalka Sare iyaguna in ay ansixiyaan”. Ayuu yiri Farmaajo.

Farmaajo oo soo hadal qaaday arrimaha amniga ayaa sheegay Dowladda in loo wakiishaday arrimaha amniga lagana rabo in Ciidamada ay abaabusho, Ciidamada baahidoodana ay meel saarto, hadii ay ahaan lahaayeen Mushaaraadka iyo waxybaaha kale ee ay u baahan yihiin.

Wuxuu sheegay Madaxweynaha Soomaaliya, ururka Al-shabaab in ay dhibaato ku hayaan shacabka Soomaaliyeed, wuxuuna shacabka ka codsaday in ay Dowladda u soo sheegaan meelaha ay ku dhuumaaleysanayaan Shabaab, si looga hortago dadka masaakinta ah ee dhibaatada loo geysanayo.

Ugu dambeyntii Madaxweyne Farmaajo ayaa ka tacsiyadeeyay geeridii ku timid Dr. Maxameed Jaamac Salaad iyo Wariye Axmed Kismaayo oo labaduba buslahada Soomaaliyeed qiimo weyn ku lahaa.

Dhanka youtube ka

 https://www.youtube.com/channel/UCbEqHSbI6baCmdD0pnfHJ7g/videos?shelf_id=0&sort=dd&view