War rasmi ah oo ka soo baxay Xarakada Al-Shabaab ayaa lagu shaaciyey in Guutada Iqtiyaalaatka ee Alshabaab ay subaxnimadii hore ee saaka ay magaalada Boosaaso ka fulisay howlgal qorsheysan oo lagu beegsaday agaasimihii Shirkadda DP world.
Afhayeenka ciidamada Xarakada Al-Shabaab Sheekh C/Caziiz Abuu Muscab ayaa idaacada Andalus usheegay in howlgalkaas lagu dilay Paul anthony Fermosa oo ahaa agaasimaha shirkadda DP World ee laga leeyahay dalka isku tagga Imaaraatka Carabta, xooggana ku haysata dekedda Boosaaso
Afhayeenka ayaa sidoo kale sheegay in howlgalkan uu qeyb ka yahay weerarada lagu beegsanayo shirkadaha Shisheeye
Al-Shabaab ayaa dhowr jeer digniino u dirtay hay’adaha iyo shirkadaha ku howllan boobka ka dhanka dhaqaalaha dadka Soomaaliyeed, waxaana weerarkan uu imaanayaa iyadoo Alshabaab ay dhawaan ku goodisay in ay talaabo adag ka qaadi doonto hay’adaha ku howlan falalkaasi gurracan.
