Ciidanka Xooga dalka Soomaaliya ayaa howlgal waxaa ay ka sameeyeen duleedka deegaanka Baar-sanguuni ee Gobolka Jubbada Hoose,iyagoo gacanta ku dhigay Sarkaal ka tirsanaa Al-shabaab.
Ciidanka Xoogga ayaa sheegay in Sarkaal lasoo qabtay Al-shabaab uu kamid ahaa muddo 10-sanno ah,isla markaana u qaabilsanaa dhanka sahminta weerarada,kaasi oo magaciisa ku sheegay Ibraahim Lujindo Maxamed.
Taliska guutada 11-aad qaybta 43-aad ee Ciidanka Xoogga dalka Maxamed Badal Xasan oo warbaahinta la hadlay ayaa waxaa uu sheegay in Ninkaas ay qabteen xogtiisa ay horey u hayeen,sidaasina lagu qabtya,waxaana uu xusay inay gacanta ay ku dhigeen Ciidanka xoogga ee ka howlgala Aaga Baar-sanguuni.
Ciidanka dowladda Soomaaliya iyo kuwa Jubbaland mararka qaarkood waxaa ay howlgalo ka dhan Al-shabaab ka sameeyaan deegano dhowr ah oo ka tirsan Jubbooyinka.
Hoos ka Dhageyso Codka Taliye Maxamed Badal Xasan
