isbitaalka Keysaney wuxuu xusayaa 28 sano oo ah bixinta qalliin dagaal oo dhexdhexaad ah iyo daryeel caafimaad oo deg deg ah oo loo fidiyo dadka rayidka ah iyo dagaalyahanada ku dhaawacmay. Isbitaalka waxaa maamula Ururka Bisha Cas ee Soomaaliyeed (SRCS) iyadoo taageero ka heleysa Guddiga Caalamiga ee Laanqeyrta Cas (ICRC). Sannad-guurada ayaa lagu xusayay kulan ay ka soo qeybgaleen madax-dhaqameedyo iyo hoggaamiye-diimeedyo, mas’uuliyiin ka socota jaamacadaha maxalliga ah, dhakhaatiir iyo ganacsatada Muqdisho. “Keysaney waxaay qireysaa dhamaan bukaanada iyadoon loo eegayn qabiilkooda, diintooda ama xiriirkooda siyaasadeed. Adeegyada aan bixinno waa kuwo muhiim u ah dadka reer Muqdisho. ” ayuu yidhi Dr. Axmed Maxamed, oo ah agaasimaha Isbitaalka Keysaney. Cisbitaalka ayaa markii ugu horreysay la furay 1992-kii mana lahayn tas-hiilaad qalliin. Dr. Axmed Maxamed wuxuu shaqo ka bilaabay cusbitaalka Keysaney 1992-dii wax yar uun ka dib dhicitaankii taliskii Siyaad Barre oo la keenay muddadii dagaalada sokeeye ee Soomaaliya.
Cusbitaalka waxaa maamula shaqaale ka shaqeeya SRCS waxaana tababaray ICRC ilaa 1994. ICRCdu waxay ku taageertaa cisbitaalka tababarro, iyo gaarsiinta sahay caafimaad. Keysaney waa mid ka mid ah labada cosbitaal ee ICRC-da ay ku taageerto qalliinka qalliinka ee Muqdisho. Sanadka 2019, isbitaalku wuxuu lahaa in kabadan 7,200 la talin, 650 ay ku dhaawacmeen hub. Cusbitaalka 90-ka sariirood leh ayaa hadda qaabilanaya celcelis ahaan 140 bukaan oo qalliin ah bil kasta, in kabadan 25 ka mid ah ayaa la ildaran dhaawacyo ay soo gaarsiiyeen hubka. Keysaney hadda waa goob loo gudbiyo dayactirka fistula, waana barnaamij ay taageerayaan Laanqayrta Cas ee Norwey, SRCS iyo ICRC. Si wax looga qabto rabshadaha ka dhanka ah shaqaalaha daryeelka caafimaadka, bukaannada, iyo tas-hiilaadka, ICRC iyo SRCS waxay taageeraan dadaallada Daryeel Caafimaad ee Khatarta (HCID) oo loogu talagalay in lagu hubiyo galaangal nabdoon oo loo helo iyo gaarsiinta daryeelka caafimaadka ee iskahorimaadyada hubeysan iyo xaaladaha kale ee degdegga ah. Waa muhiim in sharciga caalamiga ee samafalka (IHL), oo ilaaliya adeegyada ay bixiyaan xarumaha caafimaadka sida cosbitaalka Keysaney, in la ixtiraamo mar kasta.
