Gebigeedba xaajada
gurta lagu saxiixaye
gorof maran laqeybsado
gabanadu riyaaqaan
waa lagu gummoobaye
gacal iyo xigaaloow
yaan gadaal naloo celin.
Goob kastaba utaagnoow
gacan hoorsi joogtiyo
gunno dowlad goboleed
garashadu sideey tahay
waa lagu gumoobaye
gacal iyo xigaaloow
yaan gadaal naloo celin.
Gobol gobol masixi karo
mana laysu geyn karo
guud ahaanna gaalaa
geyigeenna maamuli
gabanada jecleystoow
waa lagu gumoobaye
gacal iyo xigaaloow
yaan gadaal naloo celin.
Gob gob diidan baa nahay
ka gar qaadan baan nahay
gogoshana haddii aan
ANKARA iyo lageyneyn
ama aan godeey tegin
gelimaynu xaajada
waa garaad la,aanteen
oo lagu gummoobaye
gacal iyo xigaaloow
yaan gadaal naloo celin.
Gobanimada liicdiyo
guud ahaan dalkeenaan
gebigii lakala jaray
kala guuristeenaan
ninba geesti hoos geyn
gumaystaha shisheeyaha
gacal iyo xigaaloow
geesiyaal ma waayine
yaan gadaal naloo celin.
