Dowlad goboleedka Koonfur Galbeed ee Soomaaliya ayaa soo saaray go’aan ay ku doonayaan in ay joojiyaan gaadiidka dadweynaha ee ka baxa Muqdisho ee aada degaanada maamulka Koonfur Galbeed.
Wasaaradda Gaadiidka Cirka iyo Dhulka ee Koonfur Galbeed ayaa hakisay isku socodka gaadiidka rakaabka ee ka tega Muqdisho ee aada deegaanada Maamulkaas.
War kasoo baxay Wasaaradda Gaadiidka Maamulkaas ayaa waxaa lagu sheegay in laga bilaabo 16-ka Bishaa April la joojiyay gaadiidka rakaabka ee tegi jiray deegaanada Koonfur Galbeed si looga hortego faafida Cudurka COVID-19.
