https://youtu.be/VGiSzef_l9g
Wasaaradda ganacsiga XFS oo Ganacsatada uga digtay in ay la macaamilaan alshabaab
Wasaarada ganacsiga iyo warshadaha xukuumadda federaalka Soomaaliya ayaa iyadoo fulineysa amarka dowladda ee ku aadan la dagaalanka Alshabaab ee dhanka dhaqaalaha ku amartay dhammaan ganacsatada in aan lala shaqeyn Karin, lala macaamili Karin, islamarkaana wax loo fududeyn Karin, wax dhaqaalo ah loogu yaboobi Karin,
awaamiirtooda loo hoggaansami Karin ee diidan jiritaanka dalka iyo dadka Soomaaliyeed ayaa lagu yiri warsaxaafadeed ka soo baxay isla markaana uu warbaahinta la wadaagay wasiirka wasaaradaa ganacsiga iyo warshadaha xukuuma soomaliye jariil Cabdirashiid Xaaji cabdi .
Wasaaradda ganacsiga ayaa sheegtay in ciddii ku lug yeelata howlaha sare ku xusan laga qaadi doono tallaabo sharciga waafaqasan, Sidoo kale, wasaaradda waxay qaadeysaa tallaabooyinkan ay ka mid tahay in lala wareego hantada maguurtada ah sida guryaha iyo hantida kale waxaana ka mid ahaa hadaladiisa .
Wasaaradda Ganacsiga xukuumadda federaalka ayaa ka dalbatay dhigeedda Cadaaladda iyo Dastuurka in ay shatiyada kala noqoto nootaayooyinka “sida tooska ah ula shaqeeyo argagixisadda”.
Wasiirka Ganacsiga Soomaaliya, Ganacsiga iyo Warshadaha, Jibriil Cabdirashiid Xaaji, oo sheegay in ganacsatada ay “si toos ah uga qeyb-qaataan dilka shacabka” ayaa sheegay in dowladda ay la wareegi doonto hantida shirkad kasta oo lagu helo in ay gacan-saar la leeyatay argagixisada lagana laaban doono shatiga.
