Ciidamada Kumaandooska Danab ee xoogga dalka qeybta 21-aad ayaa gaaray Deegaanka Shabeelow Ee Gobolka Mudug halkaas oo dhawaan dadka deegaanku kula dagaalameen Xubno ka tirsan Al-Shabaab.
Ciidamada ayaa ka amba baxay Deegaanka Dhagaxleey oo Qiyaastii 20 KM u Jirra Shabeelow, waxaana la sheegay in Al-Shabaab ay degaanka Shabeelow ay isaga baxeen.
Wararka ayaa waxaa ay intaasi ku darayaan in Ciidamada Dowladda & dadka degaanka ee la dagaalamay Al-Shabaab ay degaanka Shabeelow ka wadaan howlgallo kala duwan oo amniga lagu xaqiijinayo.
Saraakiil Ciidan ayaa waxaa ay warbaahinta u sheegeen in ay howlgalka ay sii wadi doonaan ilaa degaannada Galmudug ay ka saaraan Ururka Al-Shabaab.
Bilihii la soo dhaafay ayaa waxaa siyaabo kala duwan ugu dagaalamay degaanka Shabeelow Ee Gobolka Mudug, kadib markii Al-Shabaab ay degaankaasi weerareen,waxaana dagaalkii ka dhacay khasaaro dhimasho iyo dhaawac.