Taliye Afcadeeye oo Farriin u diray Ciidamada Ilaaladda Madaxtooyada
Axmed Maxamed Cali “ Afcadeeye “ Taliyaha Guutada 60-aad ee Ciidamada Madaxtooyada Soomaaliya ayaa Ciidamada ilaaliya madaxtooyada ugu baaqay iney muujiyaan asluub wanaag iyo dulqaad marka ay shaqada ku jiraan.
Waxa uu sheegay in Wasiirada iyo Xildhibaanada soo booqanaya Madaxtooyada qaranka iney si wanaagsan ula dhaqmaan oo aysan ku xadgudbin.
Waxa uu sheegay in sidoo kale Ciidamada loogu baahan yahay iney si degan u dhageystaan qeybaha kala duwan ee bulshada marka ay arrin ka soo yeeshaan Madaxtooyada.
Waxa uu tilmaamay in ay muhiim tahay iney si adag u baaraan ciidamada gaadiidka soo galaya Xarunta Madaxtooyada.
ayay ahayd markii Taliyaha Guutada 60-aad ee Ciidamada Madaxtooyada Soomaaliya Axmed Maxamed Cali “ Afcadeeye “ iyo Saraakiil kale ay tababar usoo xireen Ciidamada ilaalada ka ah Xarunta Madaxtooyada Soomaaliya.