Nin hubeysan ayaa saaka agagaarka dekadda Magaalada Muqdisho waxaa uu kudilay mid kamid ah wadayaasha Gaadiidka Xamuulka qaada ee ka Shaqeeya dekadda weyn ee magaalada Muqdisho.
Warar kala duwan ayaa kasoo baxaya sida uu dilka u dhacay, waxaana wararka qaar ee la helay ay sheegayaan in raga dilka u geystay Darawalka ay ahaayeen burcad ka dhacayay taleefoonkiisa gacanta.
Sidoo kale wararka ayaa waxaaay intaasi kudarayaan in ka hor dilka uu muran dhexmaray labada dhinac sidaasna dilka uu u dhacay, hayeeshee Ciidamo katirsan kuwa dowladda ayaa a sheegay inay soo qabteen Ninkii dilka geystay.
Shalay ayay aheyd markii askari katirsan ciidmada Maamulka degmada Balcad uu halkaasi kudilay mid kamid ah darawaliinta Gaadiidka ka Shaqeeya Muqdisho & Shabeellaha Dhexe, wallow askariii la qabtay.
Dhowr jeer ayaa waxaa Magaalada muqdisho lagu dilay qaar kamid ah darawalada Gaadiidka xamuulka qaada ee ka Shaqeeya dekadda, waxaana dilalkaas intooda badan geysanayay askarta dowladda Soomaaliya.
