Askari ka tirasn ciidamada Booliska ayaa toogasho ku dilay Darawal Mooto Bajaaj ku sugnaa degmada Xamar Weyne ee gobolka Banaadir galabnimadii maanta.
Falka dilka Darawalka Mooto-bajaajta ayaa ka dhacay Isgoyska Afar-Irdoodka ee suuqa Xamar Weyne, waxayna wararku sheegayaan in Askariga dilka geystay ay gacanta ku dhigeen ciidamada Booliiska ee ku sugnaa goobta uu falka ka dhacay, waxaana lagu xiray saldhigga Booliska Xamarweyne.
Dilka ayaa imaanaya iyadoo maanta dil toogasho ay lagu xukumay askari Boolis ahaa oo dhowaan Muqdisho ku dilay darawal Mooto Bajaaj, waxaana xiran askar kale oo ku eedeysan iney dileen dad shacab ah oo ay ku jiraan darawalo waday mooto bajaajyo.
