Somalisan oo garoonka la xariirtay ayaa ogaatay in goordhow Garoonka Diyaaradaha Aadan-Cadde ee Magalada Muqdisho ay kasoo degtay Diyaarad siday Muqtaar Roobow oo Ciidamo ka tirsan kuwa Dowladda ee dhawaan Baydhabo la geeyay ay awood halkaasi uga soo wateen.
Gaadiidkii lagu qaaday ayaa ilinka danbe ka baxay welina ma cada halka la geeyey
Saraakiil ka tirsan Garoonka ayaa xaqiijiyay keenitaanka Roobow ee Muqdisho,iyada oo diyaarad khaas ah ay kasoo qaaday Magalada Baydhabo ee Xarunta Gobolka Baay.
Howlgalka lagu soo kaxeeyay Muqtaar Roobow ayaa dad ku sugan Magalada Baydhabo waxa ay sheegayan inay qeyb ka ahaayeen Ciidamada Itoobiya ee ku sugan Magalada Baydhabo.
Laamaha Amniga Soomaaliya iyo kuwa Maamulka koonfur Galbeed weli kama hadlin sababaha keenay in Muqtaar Roobow si awood ah looga soo waday Magalada Baydhabo,isaga oo ahaa Musharax Madaxweynaha Koonfur Galbeed.
Xariga musharaxa ayaa wasaarada amnigu sheegtay in uu soo buuxin waayey sharuudihii uu uga bixi lahaa fikirkiisii hore
