Hubaal la’aan ayaa ku soo fool leh Geeska Afrika iyadoo Soomaaliya ay isu diyaarineyso dib u dhacyada iyo muranka doorashooyinka caadiyan loogu tala galay in la qabto marka uu madaxweynaha waqtigiisa dhammaado 8 Febraayo
Doorashada sanadkan ayaa ah xilli qeexaysa xasiloonida dalka. Habdhaqanka iyo natiijooyinka codbixintu waxay saameyn laaban ku yeelan doonaan xiriirka bulsho, siyaasadeed iyo dhaqaale ee Geeska Afrika.
Waxay sidoo kale saameyn ku yeelan doontaa waxa dhici doona markii ciidamada nabad ilaalinta ee Midowga Afrika ee AMISOM ay baxaan 2021-ka isla markaana amniga dalka uu hoos yimaado mas’uuliyadda Ciidamada Qalabka Sida ee Soomaaliya. Soomaaliya ayaa wali la dhibtooneysa weerarada argagaxiso ee kaga imanaya gacanta fallaagada Islaamiyiinta ah ee Al-Shabaab.
Somalia: Maxay odayaasha qabaa’ilku muhiim ugu yihiin wadahadalada ay la furayaan Al-Shabaab
Codbixinta ka hor, waxaan eegeynaa toddobada arrimood ee ugu horreeya dalka.
Doorasho la’aanta iyo qaabka doorashada
Ismariwaaga taagan waxaa ka dhashay dowlad goboleedka Jubaland iyo ismaamul goboleedka Puntland ka dib markii ay labaduba diideen inay saxiixaan heshiis lagu soo bandhigayo qaab doorasho oo cusub.
AKHRISO doorashada Soomaaliya oo cakiran: Qalalaase ama dowlad-dhisid guul?
Qaabkan waxaa la soo saaray ka dib dood dheer oo dhex martay dowladda federaalka Soomaaliya, dowladaha xubnaha ka ah federaalka iyo duqa Muqdisho. Waxay inta badan ku saleysan tahay qaabkii doorashada ee 2016. Laakiin markan, tirada ergada dooran doonta xildhibaanada aqalka hoose ayaa hada gaartay 101. Isbadalada kale waxaa ka mid ah.
Wadahadalladii ku saabsan qaabkan cusub ayaa dhammaaday 17-kii Sebtember 2020 iyadoo Jubaland iyo Puntlandba diideen inay saxiixaan.
James Swan, ergeyga Qaramada Midoobey ee Soomaaliya, wuxuu safka hore uga jirey wadaxaajoodyada, isagoo riixayey in xal nabadeed loo helo caqabadda taagan. Diblomaasiyadiisii xamuulka, si caadi ah iyo shaqsi ahaanba, waxay ku guuleysatay inay xalliso ismari-waagii, iyadoo Jubaland iyo Puntland ay oggolaadeen inay doortaan xubnaha guddiga doorashada.
Labada dowlad goboleed waxay soo saareen bayaan wadajir ah 28kii Janaayo oo ay ku sheegeen in ay ku heshiin doonaan ka qeyb qaadashada howlaha doorashada kadib cadaadis kaga yimid beesha caalamka.
