Home Afsomali Dowladda Talyaaniga ayaa ku yaboohday Wasaaradda Caafimaadka Federaalka- Soomaaliya iyada oo u...

Dowladda Talyaaniga ayaa ku yaboohday Wasaaradda Caafimaadka Federaalka- Soomaaliya iyada oo u sii mareysa UNFPA Soomaaliya seddex milyan oo Yuuro si loo yareeyo dhimashada hooyada ee Soomaaliya.

69
0


Wasaaradda Arimaha Dibadda iyo Iskaashiga Caalamiga ah ee Jamhuuriyadda Talyaaniga, iyada oo loo sii marinayo Hayada Talyaaniga ee Iskaashiga Horumarinta – Xafiiska Muqdisho, ayaa ku tabarucaya 3 milyan oo Yuuro si loo taageero wada shaqeynta ka dhaxeysa UNFPA iyo Wasaaradda Caafimaadka iyo Adeegyada Aadanaha ee Dowladda Federaalka. Soomaaliya. Tabaruca ayaa ujeedadeedu tahay in lagu xoojiyo waxqabadyada meelaha caafimaadka hooyada iyo dhalmada ee isbitaalada De Martino, Banaadir iyo Jowhar.

Wasiirka Caafimaadka iyo Adeegyada Aadanaha, Mudaneheeda Fawziya Abikar Nuur ayaa sheegtay inay ku faraxsan tahay dhammaan dadka gacan ka geysanaya wanaajinta caafimaadka hooyada iyo dhallaanka Soomaaliya. Waxay si gaar ah u amaaneen Dowladda Talyaanigu iyo UNFPA sida ay u sii wadaan iskaashi la isku halleyn karo oo ku aadan hagaajinta caafimaadka iyo samaqabka dadka Soomaaliyeed, gaar ahaan haweenka iyo gabdhaha.

Anigoo ku hadlaya magaca dadka Soomaaliyeed, waxaan jeclaan lahaa inaan uga mahadceliyo Dowlada Talyaanigu tabarucaada seddex milyan Euros. Caawinaadaada dhaqaale iyo balanqaadkeena waxay naga caawineysaa inaan sii wadno hadafkeena ah yareynta dhimashada hooyada ee Soomaaliya, ”ayuu yiri Dr. Abikar Nuur.

Danjiraha Talyaaniga u fadhiya Soomaaliya Mudane Alberto Vecchi wuxuu yiri: “Balanqaadkeena adag ee dagaalka ka dhanka ah dhimashada hooyada iyo xiriirka wanaagsan ee aan la leenahay Wasaaradda Caafimaadka iyo Adeegyada Aadanaha iyo UNFPA maanta waa la cusbooneysiinayaa. Si ku-meel-gaar ah, anaga oo diiradda saarna taageerada aan u fidinno waaxda caafimaadka ee Soomaaliya. Tabarucahan ayaa ujeedadiisu tahay xoojinta awoodda saddexda cosbitaal ee waaweyn si loo bixiyo adeegyo caafimaad oo lacag la’aan ah.

Wakiilka UNFPA, Mr. Anders Thomsen, wuxuu intaas ku daray: “iskaashiga ay la leedahay Talyaanigu wuxuu si gaar ah muhiim ugu yahay howsha UNFPA iyadoo la tixraacayo shirweynaha ICPD25 kaas oo dib u xaqiijin doona ka go’naanshaha joojinta dhimashada hooyada ee laga hortegi karo, in la wanaajiyo caafimaadka iyo jawaabta caafimaad ee tacadiyada ku saleysan jinsiga. ciribtirka dhaqamada waxyeelada leh. Waxaan uga mahadcelineynaa dowladda Talyaaniga iyo dadka talyaaniga talladaas deeqsinimada leh taas oo shaki la’aan ah inay horumarineyso nolosha haween badan oo Soomaaliyeed iyo gabdho.

Macluumaad dheeri ah, fadlan kala xiriir:
Wasaaradda Caafimaadka & Adeegyada Aadanaha- FGS
Mudane Mohamed Abdulkadir Hersi

LEAVE A REPLY

Please enter your comment!
Please enter your name here