warar dheeraad ah ayaa ka soo baxaya meydka gabar yar oo lagu arkay duleedka magaalada Dhuusamareeb ee xarunta gobolka Galgaduud.
Meydka Ikraan mire Xaashi oo 12 jir aheyd ayaa laga helay deegaanka Bohol oo hoos yimaada magaaladaasi.
Sidoo kale wararka ayaa sheegaya in ciidamo ka tirsan kuwa ammaanka Galmudug ay gaareen deegaankaasi, islamarkaana ay gacanta ku soo dhigeen gabdha hooyadeed iyo sayigeeda, kuwaas oo looga shakiyey inay ku lug lahaayeen dilka marxuumadda.
Mid ka mid ah dadka deegaanka oo la hadlay warbaahinta ayaa ka warbixiyey dhacdadaasi.