Haweeney kka mid ah Naafada Magaalada Muqdisho ayaa Goordhow lagu toogtay saf ay ugu jirtay goob laga Bixinayey Aqoonsiga Raashinka lagu Qaato
Dilka haweeneyda ayaa ka dhacay agaagarka Hotel Shaamo ee magaalada muqdishu
Haweeneyda la dilay ayaa waxaa lagu Magacaabi jiray Cadar Shire ugaas waxana la sheegay xilliga la dilayay in ay ku sugneyd Dhabarka danbe hotel shaamoo ee aado laami yaraha Suube.
Haweenayda la dilay ayaa waxaa ay ka mid aheyd dadka danta yar ee ka shaqeysta Magaalada Muqdisho.
Goobjoogayaal ayaa somalisan u sheegay in mid ka mid ah ilaalada Hotelka Shaamow uu rasaas ku furay Haweeneydaas oo ka mid ahayd dad saaka lacag ka qaadanayay nawaaxiga hotelka.
Hay’adda WFP ayaa la sheegay in dadka danta yar ay lacagta u qeybinaysay, waxaana lacagtaasi loo qeybinayay ku dhawaad 1500 qof oo ka mid ah dadka baahiyaha gaarka ah qaba, iyadoona haweenaydaasi ay ka mid aheyd dadka lacagta la siinayay.
Askariga dilka geystay ayaa waxaa la tilmaamay inuu goobta ka baxsaday, iyadoona intaasi kadib ay dadka lacagta loo qeybinayay ay goobta banaanbax ka dhigeen.
Meydka marxuumada waxa la geeyey Xarunta Baarista CID ee qaabilsan dhanka baarista Dadka la dilo
weli wax war ah lagama soo saarin falka dhacay Balse laamaha amniga ayaa waxay ku howlanyihin Baarista marxumada la dilay
