Meydadka dad xalay lagu diley deegaan ka tirsan gobolka Sh/hoose kadib markii ay howlgalo sameeyeen ciidamo isugu jira Soomaali iyo ajnabi ayaa la keenay magaalada Muqdisho.Meydadkan oo gaaraya shan ruux ayaa la sheegay in ay ahaayeen dad xoogsato ah oo ku sugnaa boosteejo gaadiidka ay ku kala wareegaan oo qudaar laga keenay Qoryooley iyo Janaale la doonayay in lagu wareejiyo gaadiid ku soo jeeday magaalada Muqdisho.
Hase yeeshee afhayeenka Wasaarada Amniga Gudaha Cabdicasiis Xildhibaan oo Warbaahinta la hadlay ayaa sheegay in howlgalka xalay ka dhacay duleedka Bariire ay fuliyeen ciidamada Kumaandooska Soomaaliya oo ku duulay goob bartilmaameed aheyd dadka lagu dileyna ay ahaayeen Al-Shabaab.
Waa markii labaad oo ay ciidamo isku dhaf ah oo ah Soomaali iyo Maraykan ay ku dilaan dad rayid ah deegaanka Bariire ee gobolka Sh/hoose.
