Maxkamad ku taal Kenya ayaa meesha ka saartay codsi ah in laga mamnuuco Kenya inay ka soo qeybgasho maxkamadda caalamiga ah ee cadaaladda (ICJ) ee muranka dhinaca badaha la leh Soomaaliya.
Garsoorayaasha maxkamada Sare Kanyi Kimondo, Robert Limo iyo Anthony Mrima ayaa xusay Jimcihii in arimihii laga soo gudbiyay 20 kii reer Kenya ah in si hufan loogu xallin doono diblomaasiyadeed, sharci dejin, siyaasad iyo faragalin kale, halkii laga gaari lahaa go’aan dastuuri ah.
Tani waxay ka dhigan tahay in Kenya aysan ka laaban doonin kiiska badda.
20 ka mid ah codsadeyaasha ayaa ku dooday in ka soo qeyb galka Xeer ilaaliyaha guud ee dacwadu ay la mid tahay jiritaanka qaranimada Kenya.
Garyaqaan Kibe Mungai, waxay sheegeen in Kenya ay halis galisay qayb ka mid ah dhulkeeda hadii maxkamada ICJ xukuntay doorka Soomaaliya.
Garyaqaanku wuxuu yidhi waa inay dawladu mudnaanta koowaad siisaa danahaheeda qaran, iyo in sida kaliya ee taa loo sameeyo ay noqon karto iyada oo aan la dooneynin inay tanaasuliso jiritaanka dhulkeeda Kenya.
Go’aanka ayaa lagu sheegay, si kastaba ha ahaatee, in, “kaqeybgalka AG ee dacwadaha waxaa ay fursad u siineysaa in lagu muujiyo maxkamadaha caqabadaha dastuuriga ah ee Kenya ka saaran hirgelinta go’aanka haddii muranka la go’aamiyo uu door u leeyahay Soomaaliya.”
Kenya ayaa ku dooday, si kastaba ha noqotee, in kiiska aan laga dhageysan maxkamadda ICJ, oo ay sheegtay inay tahay mid adag oo laga yaabo inaysan xallin karin arrimaha siyaasadeed ee ku xiran kiiska.
Taas bedelkeed, waxay u dhawaatay midowga Afrika, iyagoo raadinaya wada xaajood ka baxsan maxkamad.
