Madaxweynaha dowlad deegaanka Soomaalida Itoobiya , Mudane Mustafe Muxummed Cumar (Cagjar) oo ay weheliyaan masuuliyiin heer fadaraal iyo heer deegaan ayaa saakay tagay suuqii Jigjiga ee xalay dabku baabi’iyay.
Mustafa Cagjar ayaana kormeer ku sameeyay qeybnaha kala duwan ee suuqa Jigjiga ee xalay gubtay, waxa uuna indhihiisa kusoo arkay madaxweynaha khasaaraha badan uu reebay dabka xalay bas beeliyay qeybo badan oo suuqa kamid ah.
Madaxweynaha ayaa la qay bsaday dareenka murugada leh dadka ku hanti waayay suuqa, waxa uuna sheegay in ka xukuumad ahaan loo muujin doono taageero dhinac walba leh ayna garab is-taagi doonaan walaalhii hantidooda ku waayay gubashada suuqa.
Dabka xalay ka kacay suuqa magaalada Jigjiga ayaa dhaliyay khasaaro badan oo hantiyadeed, mana jiro wax khasaaro nafeed ah oo lasoo wariyay oo dabkaasi ka dhashay, waxaana durba bilowday gurmadyo loo sameenayo dadkii hanti beelay.
