Home Afsomali Mareykanka oo  ka walaacsan tahay xaaladdaGuud ee  Ethiopia 

Mareykanka oo  ka walaacsan tahay xaaladdaGuud ee  Ethiopia 

Maraykanka ayaa walaac ka muujiyay wararka sheegaya gabood-fallo ka dhacay gobolka Tigray ee Itoobiya intii ay socdeen dagaalladii u dhexeeyay ciidmada dowladda Itoobiya oo kaashanaay maleeshiyaadka Amxaarada iyo Jabhadda TPLF.

Afhayeenka wasaaradda arrimaha dibadda Mareykanka Ned Price ayaa sheegay in dowladda Maraykanku ay aad uga walaacsantahay in kumannaan Itoobiyaan ah oo ka soo jeeda qowmiyadda Tigray-ga lagu soo warramayo in ay weli si sharci darro ah ugu xiran yihiin galbeedka Tigray, iyada oo noloshoodu halis ku jirto.

Waxa uu Price sheegay in Maraykanku uu “aad uga xun yahay” natiijooyinkii dhawaan ay si wadajirka ah u soo saareen labada hay’adood ee hormuudka ka ah xuquuqul insaanka ee Amnesty International iyo Human Rights Watch, taas oo lagu ogaaday in rabshadaha gobolka ka dhacay ay ahaayeen isir sifeyn.

Warbixintu waxay soo bandhigtay tacadiyo ay gaysteen ciidamada gobolka Axmaarada oo gacan ka helaya ciidamada dowladda iyo kooxo maleeshiyaad ah, iyada oo intaa ku dartay in boqollaal rayid ah oo ku nool galbeedka Tigray lagu khasbay in guryahooda ay ka baxaan, loona geystay hanjabaad, xadgudub galmo, hor istaag gargaar iyo dil aan sharci ahayn.

Waxa kale oo ay warbixinta hay’adahan muujinayeen caddaymo dhimasho ka dhacday xabsiyada galbeedka Tigray iyo kufsi wadareed ay geysteen ciidamada ammaanku.

Previous articleSacuudiga oo sanadkan kordhiyay tirada Martida alle ee Xujeyda
Next articleGanacsatada Somaliland oo 8 Milyan oo dollar ugu  deeqay ganacsatadii ku hanti beelay  Suuqa Hargeysa

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.