127 maxbuus oo ku xirnaa Xabsiga dhexe ee Xamar iyo Xabsiga MBC ee Ex-control Afgooye, ayaa saaka lasii daayay markii uu cafis u fadhiyay Madaxweynaha Soomaaliya Xasan Sheekh Maxamuud Munaasabadda Ciidda Awgeed.
In ka badan 120 Maxbuus oo ku xirnaa Xabsiga Dhaxe iyo MBC oo cafis loo fidiyay
Maxaabis badan oo ku xirnaa labo xabsi oo kuyaalla magaalada Muqdisho ayaa loo lagu sii daayey cafis madaxweyne , waxaana maxaabiistan cafiska loo fidiyay munaasibada ciidul fidrig awgeed ayaa la sheegay in ay galeen dambiyo fud fudud.
127 maxbuus oo ku xirnaa xabsiga dhexe ee Xamar iyo Xabsiga MBC ee Ex-control Afgooye, ama KM 7 ayaa ooda laga qaaday markii uu cafis u fadhiyay Madaxweynaha JFS Dr Xasan Sheekh Maxamuud Munaasabadda Ciidda Awgeed.
Xafiiska Xeer ilaaliyaha guud ee Qaranka oo gudanaya waajibaadkiisa Dastuuriga ah ayaa soo jeedin u sameeyay Madaxweynaha JFS in cafis madaxweyne lagu sii daayo maxabiista ku xukuman dambiyada fudud ee ku xirnaa labada xabsi ee kuyaalla Muqdisho.
Xeer ilaaliye Maxamed Cabduqaadir Khaliif oo sita degreetada madaxweyne Xasan sheikh uu cafiska gaar ka ah ugu fidiyey maxaabista ku eedeysnaa danbiyada fudud ayaa tagay xarumaha xabsiyada ay maxaabistu ku jireen si loo fuliyo Amarka Madaxweynaha kaasi oo dhaqan galay ismarkiiba .
Xeer ilaaliye khaliif ayaa hambalyo ka dib maxaabiista uu la hadlay ka hor siideyntooda
Xeer ilaaliyaha ayaa sheegay ku nuuxnuuxsaday sheegida danta iyo ujeedka laga leeyahay Siideyntooda isaga oo kula dardaarmay in ay dadkooda dhinac ka raacaan
Maxaabiista cafiska loo fidiyay ee cafiska lagu daayey ayaa wajiyadooda waxaa ka muuqday farxad, waxa ayna si weyn ugu mahadcelinayeen madaxweynaha Soomaaliya ee cafiska u fidiyay.
Sanad kasta marka la gaaro Maalmaha Ciida ayaa Madaxda ugu sareeysa dalka iyo Madaxda dowlad Goboleedyada qaarkood waxaa ay cafis u fidiyaan qaar kamid ah Maxaabista dambiya fudud.