Maxkamadda Ciidamada qalabka sida ee Soomaaliya ayaa saaka xukuno kala duwan ku riday eedaysanayaal loo haystay Qaraxii 14 October ka dhacay Isgoyska Zoobe ee Magaalada Muqdisho.
Guddoomiyaha Maxkamadda Ciidamada qalabka sida Gaashaanle Xasan Nuur Cali Shuute ayaa ku dhawaaqay go,aanka maxkamadda ee ku aadan eedaysanayaasha.
Xasan Aadan Isaaq Cali Maxkamadu wax ay ku xukuntay dil toogasho ah.
C/Wali Axmed Diiriye waxaa lagu Xukumay Saddex Sano oo Xabsi ah.
C/laahi Ibraahin Xasan Absuge oo Maqan waxaa lagu Xukumay Xabsi Daa’in.
Sidoo kale Maxkamada yaa siideysay Eedeysanayaasha kala ahaa Maxamuud Xasan Rooble iyo Cabdul Cabdi Warsame Cali kaidb markii ay sheegtay in dembi lagu waayay.
14 Bishii Octoober ee Sanadkii tegay e 2017 ayaa waxaa Isgoyska Zoobe ka dhacay qarax ay ku geeriyoodeen in ka badan 600 ( Lix Boqol) oo qof,waxana dadka Maanta la xukumay ay ka mid ahaayeen dadkii loo qabtay qaraxaas.