Ra’iisul Wasaaraha Soomaaliya Maxamed Xuseen Rooble ayaa saaka oo Khamiis ah garoonka diyaaradaha Muqdisho ku soo dhaweeyay wefdi uu hogaaminayay Wasiiru dowlaha Arrimaha dibadda Dowladda Isutagga Imaaraadka Carabta Mudane Shakhbout Bin Nahyaan.
Wafdigaan ayaa ka qeybgalaya caleemo-saarka Madaxweynaha JFS Mudane Xasan Sheikh Maxamuud, isagoo ka wakiil ah Madaxweynaha Dowladda Isutagga Imaaraadka Carabta Sheikh Maxamed Bin Zayed Aala Nabyaan.
Saacadaha soo socda ayaa la filayaa inay Msgaalada Muqdisho soo gaaraan wufuud kala duwan oo Heer Caalami ah, si ay uga qeyb galaan Xafladda Caleema saarka.
