Baaq degdeg ah oo ay wadajir u soo saareen Mas’uuliyiin horay xilal u soo qabtay oo kala ah Sheekh Shariif, C/weli Gaas, Cumar C/rashiid iyo Xasan Cali Kheyre ayay uga hadleen xaalada Baydhabo iyo qalalaasihii maanta ka dhacay.
“Waxaan ugu baaqeynaa dhammaan siyaasiyiinta iyo maamulka in ay wadahadalka iyo xalka fursad siiyaan kuna qancaan in xalku yahay in Koofur galbeed laga hirgeliyo doorasho la isla oggol yahay. Sidoo kale waxaan Dowladda Federaalka ka rajeyneynaa in ay qaadato kaalinteeda doorashooyinka labada heer dhowrtan muddo xilleedka sharciga ah si dalka looga badbaadiyo dib u dhac.”
