Tifatiraha Tifatiraha ee Telefishinka Horn Cable, Cabdiqaadir Cusmaan Asayr (Odey), oo dhowr bilood ka hor lagu xiray magaalada Hargeysa ayaa ugu dambeyn lagu xukumay hal sano oo xabsi ah.
Saxafiga ayaa lagu eedeeyay inuu ka baahiyay war baahinta warqad cabasho ah oo ay soo saartay shirkadda Fly Dubai, Shirkadda Duulista UAE oo ku saabsan dhibaatooyinka ay diyaaradeed kala kulantay inay ka degto garoonka caalamiga ah ee Cigaal sababo la xiriira dhismo xumo awgeed.
Cabdiqaadir Odey ayaa sidoo kale lagu eedeeyay inuu baahiyay waraysi uu la yeeshay Suldaan Wabar, oo ah hogaamiye kooxeed hubaysan oo ka soo horjeeday nidaamka hadda jira Maamulka gooni goosodka ah ee Somaliland.
Maxakamada gobolka ee Hargaysa ayaa soo saartay xukunka, iyadoo sheegtay in saxafiga uu qirtay dambiga ah marin habaabinta shacabka iyo kicinta xiisado dhaawici kara nabada Somaliland. Xukunkiisii ugu dambeeyay, ayay maxkamaddu ku xukuntay Odey in uu hal sano ku xidho ganaaxyada oo uu bixiyo 3 Milyan oo shilin SL ganaax ah. Tani maahan markii ugu horraysay ee masuuliyiinta Somaliland xukun dil ah ku fuliyaan weriye xidhan. Suxufigan ayaa noqonaya dhibanaha ugu dambeeyay ee hay’adaha garsoorka ee cadaadiska ku haya Somaliland. Suxufiyiin kale ayaa hadda lagu hayaa xabsiyada Somaliland.
warbaahinta somalisan waxay ugu baaqayaan mas’uuliyiinta Somaliland inay si shuruud la’aan ah ku sii daayaan tifatiraha madaxa telefishanka gaarka loo leeyahay ee Horn Cable TV, Cabdiqaadir Saleban Asayr (oo loo yaqaan Oday) oo si sharci darro ah loogu xiray magaalada Hargeysa isla markaana si deg deg ah uga laabtaan xukunka lagu riday .
