Inta la ogyahay lix qof ayaa ku geeriyootay tiro intaa ka badan oo uu ku jiro gudoomiyihii maamulka Gobolka banaadir Enj yarrow ayaa dhawacyo kala duwani ka soo gaareen
Hal qarax o ka dhcay hool ay ku shirayeen masuuliyiinta gobolka banaadir
Ma kala cada sida qaraxa loo fuliyey in uu ahaa mid horey goobta loogu diyaariyey iyo in uu ahaa qarax ku rakibnaa qof og walxaha qarxa ee uu sido isla markaana u suurta gashay in uu gudaha u galo hoolkii uu shirku ka socday sidaana iskula qarxiyey nafleydii goobta ku sugneyd
Waxayna aheyd maalin amniga Gobolka Looga hadlayey oo Noqotay maalintii ugu dhimashada badneyd ee masuuliyiinta Gobolka banaadir
Waxaa aas qaran loo sameeyey masuuliyiintii ku dhimatay qarax iyada oo sidoo kale dalka dibadiisa howlo caafimaad logu qaaday ilaa 10 ruux oo uu ku jiro Godoomiye yariisow
Aaska ka dib waxaa saxaafada la hadlay wasiirku xigeenka wasaarada amniga Xukuumada fadaraalka Somaliya iyo masuuliyiin kale
Masuuliyiintii ku dhimatay qaraxii ka dhcay Aqalka Dowlda hoose ee Xamar ayaa aas Qaran loogu sameeyey magaalada
Adduun laguma waaro
Ajashii dhamaatana
Ifkana joogi meyso
Qaraxna ugub maaha
Waxaan aad ula yaabay
Hoosha Yaa Agaasimay?
Xafladda Yaa Olaleeyay?
Inanta Yaaku Casuumay?
Yaa Infiitada Siiyay?
Yaa Irida Dhaafiyay?
Oo Amuurtaan Fududeeyay?
Umadaan La Gumaaday
Yaa dhiigooda iibsaday?
Nimankii abaabulay
Eedda Yaala Wadaaga?
Ruux aan la ogeynoo
Casuumaad aan ku imaan
Masuul inuu akfariisto
Yaa u ogolaaday?
Xilka Odayga Yaa rabay?
Gabadha uurka lahee
Aafada foolaneeysay
Yaa iridda Dhaafshoo
Isbitaalka u joogay
Albaabka Yaa dhaafshay?
Waa Ayaan darro weynoo
Yaa Shbb u adeegoo
Odayaasha Akjooga?
Gabaygaan waxaa tiriyay Abwaan Guure Hadaad Aqrisatay ka waran su’aalaha iyo gabayga ? Maxaa kaaga baxay
