Magaalada Muqdisho waxaa gaaray Wasiiru dowlaha Arrimaha Dibadda Qatar Sultan bin Saad Al-Muraikhi , waxaana garoonka Aadan Cadde kusoo dhaweeyay masuuliyiin katirsan labada gole ee Dowlada.
Wasiiru dowlaha Arrimaha Dibadda Qatar Sultan bin Saad Al-Muraikhi ayaa kulan kula kula qaatay magaalada Muqdisho madax katirsan dowlada Soomaaliya uu ku jiro Ra’isul Wasaaraha Soomaaliya Xasan Cali Khere, waxa ayna kawada hadlayaan xiisada ka taagan Wadamada Khaliihjka Carabta.
Sultan bin Saad Al-Muraikhi ayaa sidoo kale la qaatay Madaxwenaha Soomaaliya Maxamed Cabdulaahi Farmaajo, waxa ayna labada dhinac ka hadleenk khilaafka Khaliijka ka taagan iyo sidii Soomaaliya u taageeri laheed dalka Qadar.
Dowlada Soomaaliya ayaa xiligan ku jahwareersan khilaafka siyaasadeed ee u dhaxeeya Wadamada Khaliijka Carabta, waxa ayna Dowlada wali go’aansan la’dahay cida ay la jirsaneyso labada dhinac ee is haya.
War dhawaan ay soo saartay Dowlada Soomaaliya ayaan labada dhinacba lagu taageerin, waxa ayna dowlada sheegtay in ay ka xun tahay khilaafka Siyaasadeed ee ka dhax aloosan Wadamada Khaliijka Carabta, waxa ayna ku baaqday in xal diblumaasiyadeed lagu dhameeyo Khilaafka taagan.
