Gudiga ka hortaga Cudurka Covid-19 u qaabilsan Soomaaliland iyo Ciidamada Booliska Gobolka ay uala baxeen Maroodi-Jeex ayaa fagaare ku yaalla Magaalada Hargeysa waxaa ay ku gubeen jaad farabadan.
jaadka oo ka kooban 200 oo Kiilo oo jaadka dheer dheer ah iyo 100 Marduuf,waxaa ay kasoo qabteen Magaalada Bali gubadle,kaas oo laga keenay dhinaca Itoobiya.
Goobta jaadka lagu gubayay ayaa waxaa ku sugnaa Saraaki ka tirsan Ciidamada Booliska Gobolka iyo Xubno kamid ah Guddiga ka hortagga Cudurka COVID-19 iyo dadweyne daawanayay.
Saraakiisha Ciidamada Booliska ayaa waxaa ay sheegeen in marnaba aysan ogolaan doonin in jaad la soo geliyo deegannada Soomaaliland,iyaga oo digniin u diray Ganacsatada sida qarsoodiga ah jaadka ku keenay.
Tallaabada Soomaaliland ay ku gubtay jaadka ayaa waxaa ay daba socotay Go’aan kasoo baxay Guddiga ka hortagga Cudurka Coronavirus kaas oo lagu mamnuucay in muddo 25 Maalmood jaad la soo geliyo deegaannada Soomaaliland.
