Wasaaradda Warfaafinta Puntland ayaa ka mamnuucday Cumar Faaruuq Cismaan oo sheegta inuu yahay xoghayaha ururka Saxafiyiinta Soomaaliyeed uu ku qabto wax shir ah ama tababar ah magaalada Garoowe ee caasimadda Puntland.
Wareegto ka soo baxday wasaaradda Warfaafinta Puntland kuna saxiixan yahay Cabdi Xirsi Cali (Qarjab) oo ah wasiirka wasaaraddaasi ayaa lagu sheegay in Cumar Faaruuq uusan ogolaansho ka haysan dowladda Puntland sidaasi darteedna qaban karin wax shir ama tababar ah.
Cumar Faaruuq ayaa gaaray shalay magaalada Garowe mana jirto illaa iyo hadda wax jawaab ah oo uu ka bixiyay amarka lagu soo rogay.
