Taliska ciidanka Nabad-sugidda iyo sirdoonka qaranka Soomaaliya ee gobolka Gedo ayaa magaalada Garbahaarey ku soo bandhigay Cabdicasiis Maxamuud Diiriye oo 12-kii sano ee lasoo dhaafay ka tirsanaa Al-Shabaab.
Cabdicasiis ayaa ka soo goostay Al-Shabaab sidda ay sheegeen taliska NISA.
Taliska ayaa sheegay in ninkaan uu soo goostay kadib markii uu u adkeysa waayey xaalada ay ku suganyihiin, wuxuuna isku soo dhiibay gacanta dowladda, gaar ahaan ciidanka qaranka ee ka howlgala gobolka Gedo.
Cabdicasiis ayaa sheegay in uu ka tanaasulay fikirkii Al-Shabaab, islamarkaana hadda uu diyaar u yahay in uu la shaqeeyo ciidanka dowladda Soomaaliya.
Ma jiro wax war ah oo kasoo baxay Al-Shabaab oo ku aadan in ninkaan uu ka tirsanaa.
