barakacayaasha Dhallinyarada iskood isu xilqaamay ee Mutadawaciinta Soomaaliyeed (Somali youth Volunteers for
Development Association) ayaa hirgaliyay mashruuc caafimaad oo loogu magac daray Baxnaani.
Mashruucaan ayaa billowday horraantii bisha Janaayo ee sanadkan 2018 iyadoo laga fulinayo goobaha
ay ku suganyihiin barakacayaasha kuwaasoo u badan haween, carruur iyo waayeel.
Ayadoo ay jirto baahi ay u qabaan barakacayaasha dareyeel caafimaad oo baaxad leh ayey
dhallinyaradan hirgaliyeen qorshe caafimaad oo lagu daryeelo dadka tabaaleysan ee ku nool xerayaha
barakacayaasha Muqdisho.
“Mashruuca Baxnaani waa mashruuc ka dhashay baahi caafimaad oo ka jirta deegaannada
barakacayaasha Muqdisho. Mashruucaan waxaan uga gol leenahay in uu qeyb ka noqdo dadaallada lagu
yareynayo khatarta caafimaad oo soo foodsaari karta hooyada, dhallaanka iyo waayeelka taagta daran”
Sidaas waxaa warbaahinta u sheegay mudane Cabbaas Ciise Faracadde oo ah guddoomiye ku xigeenka
midowga SOYVDA.
Kumanaan barakacayaal ah ayaa ku nool gudaha iyo duleedka mgalaada Muqdisho kuwaasoo aan
heysanin daryeel caafimaad oo ku filin.
Cabbaas Ciise ayaa sidoo kale yiri “Mashruucaan wajigiisa koowaad ayaa socon doono muddo dhan lix
bilood iyada oo maalintiiba looga faa’iideyn doono in ka badan 100 qof kuwaasoo oo ka imaanaya
xarumaha barakacayaasha Muqdsho”
Midowga dhallinyarada mutadawaciinta Soomaaliyeed ee SOYVDA ayaa muddooyinkaan waxa ay
fulinayeen mashaariic dhowr ah kuwaasoo lagu daryeelayo dadka ku nool xarumaha barakacayaasha Magaalada Muqdisho
