Hay’adaha samafalka ee Qaramada Midoobay waxay raadinayaan 186.2 milyan oo doollarka Mareykanka ah si loo daboolo baahiyaha caafimaad ee degdegga ah iyo baahiyaha beni humanitarianaadminimo ee dadka ay saameeyeen COVID-19 ee Soomaaliya. Xafiiska Qaramada Midoobay ee Isuduwidda Arrimaha Bani’aadamnimada (OCHA) ayaa sheegay inay heshay kaliya 37 milyan oo doollar ama 16.4 boqolkiiba wadarta maalgalinta loo baahan yahay, si loo hirgaliyo qaybta Soomaaliya ee Qorshaha Waxqabadka Bina-aadamnimada ee COVID-19. “Ku dhawaad kalabar maaliyaddii ilaa iyo hadda la gaarsiiyey ayaa loo fidiyay si loogu qaybiyo qeybo badan oo ay ka mid yihiin caafimaadka, ilaalinta, nafaqada iyo nadaafada jirka (biyaha, fayadhowrka iyo nadaafadda),” OCHA ayaa ku sheegtay warbixinteedii ugu dambeysay ee COVID-19. Lacagta soo hartay ayaa loo qoondeeyay ugu horeyn sugnaanta cunnada iyo ilaalinta dadka kale. Hay’adda Qaramada Midoobey ayaa sheegtay in cudurka ‘COVID-19’ uu ka sii darey dhibaatooyinka bani’aadamnimada iyo arrimaha dhaqan-dhaqaale ee Soomaaliya, isagoo sii xumeynaya nuglaanta horay u jirtay iyo dhaawacey hab-nololeedkii, gaar ahaan qoysaska danyarta ah…
