Wasiirka Maaliyadda XFS Dr Cilmi Maxamuud Nuur ayaa laalay shaqo joojintii uu shalay ku sameeyay Xisaabiyaha Guud iyo Agaasimaha Guud ee Dakhliga Wasaaradda Maaliyadda oo labadaba uu shalay shaqada uga joojiyay amar diido iyo wada shaqeyn la’aan.
Wareegtada uu shaqo joojinta kaga laabtay Wasiirka Maaliyadda ayaa lagu sheegay in laalista ku xusan wareegtadan aanay burineynin jiritaanka eedeymaha maamul sidaa darteed Agaasimaha Guud iyo Xisaabiyaga Guud Digniin, iyadoo madaxda Wasaaradda si dhow ula soconayaan gudashada iyo hoggaansanaanta waajibaadka shaqo ee ay farayaan.
Wasiirka Maaliyadda XFS Dr Cilmi Maxamuud Nuur ayaa warqadii Shaqa joojinta ee shalay uu soo saaray waxaa ku xusneyd in Maxamed Cabdiraxmaan Anas oo ah Xisaabiyaha guud oo kamid ah Kooxda Madaxweynaha Soomaaliya, dhawaana lamagacaabay ayaa lagu eedeeyey dambiyo waa weyn oo ay kamid yihiin in uu toos u damiyey Systemkii SFMIS ee Canshuuraha Berriga ee dalka, curyaamiyey bixinta Mushahaaraadka dawladda oo dhan
