Dagaal culus oo leysku adeegsaday hubka noocyadiisa kala duwan ayaa Ciidamo katirsan kuwa Uganda ee qeybta ka ah howlgalka ATMIS & Al-Shabaab waxaa uu ku dhexmaray deegaanka Buulo-colow oo ah deegaan hoostaga degmada Baraawe ee Gobolka Shabeellaha Hoose.
Dagaalka ayaa waxaa uu yimid kadib markii Al-Shabaab ay dhowr jiho ka weerareen Saldhiga Ciidamada Uganda ee degaanka Buulo colow, waxaana dadka degaanka ay sheegeen inay maqlayeen dhawaqa rasaasta ay labada dhinac isku adeegsanayeen.
Al-Shabaab oo sheegatay mas’uuliyadda weerarkaas ayaa sheegtay inay kudileen 8 askari oo kamid ah Ciidamada Uganda lix kalena ay ku dhaawaceen wallow aysan jirin warar madax bannaan oo xaqiijinaya sheegashada Al-Shabaab.
Saraakisha Ciidamada Uganda ee Gobolka Shabeellaha Hoose ayaan weli ka hadlin dagaalka & Warka kasoo baxay Al-Shabaab, waxaana weerarkan uu noqonayaa kii labaad oo todobaadkaan ay Al-Shabaab ku qaadaan Saldhiga Ciidamada Uganda ku leeyihiin duleedka degmada Baraawe ee Gobolka Shabeellaha Hoose.
