Madaxweynaha dalka Turkiga, Rajab Dayib Erdoğan oo dhawaan dib loo doortay ayaa la filayaa inuu Maalinta Isniinta ee isbuucan oo ku beegan bishan June 12 uu u ambabaxo Safarkiisa Koowaad ee Dibedda, sida lagu sheegay hadal-qoraal oo ka soo baxay Madaxtooyada dalkaasi.
Lugtiisa Koowaad waxa uu ku tegi doonaa Jesiiradda Kala-qeybsan ee Qubrus, gaar ahaan Jamhuuriyadda Waqooyiga Qubrus oo ay degan yihiin Muwaadiniin asalkooda Turkish ah.
Waxa uu la kulmi doonaa dhigiisa Waqooyiga Qubrus, Ersin Tatar (أرسين تتار) iyo RW Ünal Üstel (أونال أوستل).
Labada Madaxweyne waxay ka wada hadli doonaan Qorshooyinkooda ku aadan Qaddiyada Jesiirada Qubrus iyo Dhacdooyinkii u dambeeyey ee Bariga Badda Mediterranean Sea.
Dhanka kale, Madaxweyne Erdoğan waxa u qorshaysan inuu Maalinta Talaadada (June 13) u safro dalka Azerbaijan, isagoo la kulmi doona dhigiisa dalkaasi, Ilham Aliyev
