Kenya waxay raadineysay gacan ka gaysashada Itoobiya ee xalinta arrimaha xuduuda ay wadaagaan Soomaaliya. Khilaafka ayaa dhowaan dhalisay in Kenya ay uga digaan Soomaaliya in ay ka waantoobaan ficillada xuddunta u leh hanjabaadda dhulkeeda. Isaga oo matalaya Madaxweyne Uhuru Kenyatta, Wasiirka Arimaha Gudaha ee Kenya Arbacadii ayaa Addis Ababa kula kulmay Raiisul Wasaaraha Itoobiya Abiy Ahmed. Fred Mataing’i ayaa bartiisa Twitter-ka ku soo qoray inay “wada hadallo muhiim ah qabteen … oo ku saabsan rabitaanka Kenya ee waddo badan oo iskaashi ah oo wax looga qabanayo arrimaha xasaasiga ah ee ka dhexeeya xadka Kenya iyo Soomaaliya iyada oo la doonayo in kor loogu qaado xasilloonida gobolka.” Abiy ayaa sidoo kale saaxiib dhow la ah maamulka Soomaaliya. Dhawr jeer ayuu marti geliyay hogaamiyaha Soomaaliya iskuna dayay inuu dhexdhexaadiyo qilaafka badda ee u dhexeeya labada deris. Kiiskan waxaa go’aamin doona maxkamada caalamiga ee cadaalada dhamaadka sanadkaan. Waa booqashadii labaad ee heer sare ah ee Matiang uu ku yimaado gobolka uu ku matalayay Kenyatta. Wuxuu dhammaadkii usbuuca dhammaaday ku sugnaa magaalada Muqdisho halkaas oo uu kula kulmay madaxweynaha Soomaaliya Maxamed Cabdullaahi Farmaajo.
- Advertisement -
