Munaasabadda Maalinta Haweenka Adduunka, Qaramada Midoobay ayaa ku bogaadisay doorka haweenka Soomaaliyeed ee horumarka waddankooda iyada oo sidoo kale dhiirrigelineysa dadaallo ballaaran oo lagu hubinayo ka-qeybgalkooda dhammaan qaybaha bulshada Soomaaliyeed.
Wakiilka Xoghayaha Guud ee Qaramada Midoobay u qaabilsan Soomaaliya, James Swan ayaa yiri “Haweenka Soomaaliyeed waxay sameeyeen door muhiim ah markii Soomaaliya ay dib u dhisayso ayna sii waddo waddadeeda nabadda iyo xasilloonida.” “Waxay muujiyeen geesinimo aad u weyn, xoog iyo u hibeyn markii ay wajaheen caqabado badan, oo ay ku jiraan isku dhac daba dheeraaday, amni darri, musiibo dabiici ah iyo xasillooni darro siyaasadeed.”
“Nasiib darrose, hadalka amni ee haweenka ayaa inta badan loogu yeeraa sidii dhibanayaal, dhif iyo naadirna sidii wakiilo firfircoon oo muhiim u ah hagaajinta xaaladda amniga naftooda iyo kuwa kaleba. Taasi waa inay isbeddelaan,” ayuu raaciyay.
Mawduuca sanadka Caalamiga ah ee Haweenka ayaa ah ‘Waxaan ahay Sinnaanta Jinsiga: Xaqiijinta Xuquuqda Haweenka.’ Ka hor doorashada soo socota ee ‘hal qof, hal cod’, Qaramada Midoobay ee Soomaaliya waxay ku boorineysaa dhammaan daneeyayaasha Soomaaliyeed, gaar ahaan hoggaanka siyaasadeed, in ay taageeraan matalaadda haweenka ee siyaasadda iyo go’aan gaarista, iyo in la dammaanad qaado in sinnaantu ay u noqoto runtii nolosha oo dhan Soomaalida, iyadoon loo eegayn jinsigooda. Sidaas darteed, Qaramada Midoobay waxay si xoogan u taageertaa qoondada haweenka ee ugu yar boqolkiiba 30 ee metela baarlamaanka.
Qaramada Midoobay ayaa sidoo kale dhiirrigelinaysa feejignaanta cusub ee hoggaamiyeyaasha qaranku ka qabaan qabyo-qoraalka sharciga dembiyada galmada iyo Sharciga Gudniinka Gabdhaha, oo asaas u ah ilaalinta xuquuqda haweenka Soomaaliya.
“Xuquuqda haweenka, fursadaha iyo kaqeybgalku waa astaamo muhiim u ah xaqiijinta ajandaha horumarinta qaranka Soomaaliyeed,” ayuu yiri Mr. Swan. “Ficil wadareed oo loo wada dhan yahay, oo ay ku jiraan dadka awoodda leh ayaa taas samayn kara.”
