Raiisul Wasaaraha Soomaaliya Ayaa ku Amray duqa Muqdisho in si dhaqso ah loo burburiyo dhismaha shirkada EEco oo ka socday barxada Yaasiin ee Magaalada Muqdisho

Kormeerkan oo raiisul wasaaraha ay ku wehiliyeen qaar kamid ah golihiisa wasiirada iyo qaar kamid Tahtaliyayaasha kala duwan ee ciidamada ayaa waxa ay ka xaal waraysteen ciidamadii ay la kulmeen xaaladdooda iyo hawlaha shaqo ee amniga.

Raiisul wasaaraha ayaa sidoo kale soo booqday goobo ganacsi isagoo kula kulmay dad shacab ah goobihii uu soo maray.

raiisul wasaare Khayre ayaa gebogabadii kormeerka kula suxuurtay shacabka goob kutaal wadada dabka oo ay ku suxuuranayeen dhallinyaro soomaaliyeed.​

Dhanka kale WR Xasan Cali Kheyre  ayaa  amray in la burburiyo dhismaha Piazza Libera ee Ceelgaabta.Eng Yariisow oo fuliyey Amarka ayaa saxaafada u sheegay in goobtaas ay doonayaan in ay noqoto mid loogu adeego dad weynaha Soomaaliyeed.

Duqa Muqdisho ayaa kal hore hakiyey dhismaha goobtan ka dibna u direy baaris rasmi ah. Iyadoo la fulinayo awaamiirta Madaxweynaha iyo Ra’iisul Wasaaraha ayuu Duqa Muqdisho maanta bixiyey amarkan burburinta.

Guddoomiye Eng. Yarisow ayaa yiri “Markaan xilka qabtay ayaan hakinay dhismahan, ka dib baaris dheer waxaa soo baxday inaan si sharciga waafaqsan loo bixin dhulkaas, uuna ahaa yahayna weli mid dan guud. Sidoo kale markii aan la tashiyo la sameeyey Madaxweynaha iyo Ra’iisul Wasaaraha waxaan ku go’aaminey inaan dhulalka dawladda la bixin karin iyadoon loo marin nidaamka sharciga ah.”

Eng. Yarisow ayaa sidoo kale u diray digniin dhammaan dadka degan dhulalkii danta guud sida Jardiinooyinkii iyo xarumaha dawladda inay sida ugu dhaqsiyaha badan u banneeyaan, ciddii awaamiirtan diidana sida tan oo kala loo burburin doono goob walba oo dhise sharci darro ah laga sameeyo.

Eng. Yarisow ayaa ugu danbeyntii sheegey inuu doonayo in Caasimadda lagu soo celiyo sidii ay ahaan jirtey berisamaadkii oo goobihii jardiinooyinka iyo xarumaha bila bilicda magaalada dib loo dhiso, si bushada uga wada faa’iideysato.