https://youtu.be/ikR-vHX7dX4
Wasiiro iyo Xildhibaano katirsan Dowlada Federaalka Soomaaliya, Maamulka Gobolka Banaadir , Ururada Bulshada iyo Marti sharaf kale ayaa kasoo qeyb galay munaasabad uu xilka kula wareegayay Guddoomiyaha cusub ee Maamulka Degmada Xamar jajab Mudane Ismaaciil Mukhtaar Cumar (Oranja).
Agaasimaha Arimaha Bulshada iyo diiwaan galinta ee Wasaarada arimaha gudaha ee XFD Cabdulaahi Xusen Xasan ( Fanax ) ayaa ugu horeyn minaasibada ka hadlay wuxuuna faahfaahiyey Ujeedka Kulanka iyo danta laga leeyahay wuxuuna xusay in xilwareejintu tahay mid meerta ah cidkasta oo xil heysana mar uuna qof kale ku wareejineyso
Guddoomiyihii hore ee degmada Xamar Jajab Cabdiwali Cabdullaahi Maxamed ayaa u mahadceliyay Maamulkii ay soo wada shaqeeyeen iyo shacabka degmada.
Guddoomiyaha cusub ee degmada Xamar jajab mudane Ismaaciil (Orenja) ayaa sheegay in uu la imaan doono waxqabad muuqdo waxa uuna ka hadlay marxaladaha adag ay haweenka Soomaaliyeed ku shaqeeyeen.
Wasiir ku-xigeenka gaashaandhiga Cabdullaahi Colaad Rooble, Wasiir ku-xigeenka wasaarada shaqada iyo arimaha bulshada ee dowlada Soomaaliya Saqar Ibraahim Cabdalla iyo Xildhibaanad Samsam Daahir Maxamuud ayaa kula dardaarmay Guddoomiyaha cusub ee degmada Xamar Jajab inuu isbedelo horumarineed kusoo kordhiyo Degmada Xamarjajab.
