Wararka naga soo gaaraya gobolka Hiiraan ayaa waxa ay sheegayaan in Wafdi uu hoggaaminaayay Gudoomiyaha gobolka Hiiraan Yuusuf Axmed Hagar Dabageed ay jidka u galeen xubno ka mid ah Al-Shabaab.
Gudoomiyaha iyo Wafdigiisa ayaa ka baxay magaalada Beledweyne waxaana ay kusii jeeddaan degmada Maxaas, halkaasi uu ka socdo dagaal u dhaxeeya Labo Maleeshiyo beeleed.
Wadada u dhaxeysa Maxaas iyo Beledweyne ayaa la sheegay in ay u galeen dagaalyahano ka tirsan Shabaab.
Goobjoogayaal ayaa somalisan.com u sheegay in u jiro Khasaare dhaawac ah oo ka dhashay dagaal kooban oo dhexmaray Ciidanka uu hoggaaminaayay Gudoomiyaha iyo Kooxdii weerartay.
Ma jiro Khasaare soo gaaray Mas’uuliyiitii la socotay Gudoomiyaha , waxaana hadda ay kusii jeeddaan degmada Maxaas.
