Xarunta Qaran ee kahortaga iyo ladagaalanka Fikradaha Xagjirka ah ee Tubsan ayaa ugu baaqday dagaallamayaasha Al Shabaab in ay ka faa’iideystaan xeerka cafiska iskuna soo dhiibaan dowladda Soomaaliya.
Qoraal kasoo baxay xarunta Qaran ee Tubsan ayaa lagu war-galiyay dhammaan xubanaha ka tiran Al Shabaab ee doonaya in ay dowlada isku soo dhiibaan kana baxaan kooxdaasi in ay lasoo xiriiraan numbero gaar ah oo loogu talagalay si loo caawiyo.
Xarunta Tubsan ayaa sheegtay in xubnaha go’aansada in ay kasoo baxaan Al Shabaab la siinayo fursado cusub ay uga mid noqon karaan bulshada caadiga ah, waa haddii ay kasoo baxaan kooxda Al Shabaab ee hadda katirsan yihiin.
