Iyadoo ay taagan tahay ismari waaga u dhexeeya xoogagga siyaasadeed ee dalka, saaxiibbada Soomaaliya ee caalamiga ah ayaa Axaddii ka digay inaysan “taageeri doonin hannaanka doorashada qayb ama isbarbar socda ama waxqabad kasta oo horseedaya in la kordhiyo muddooyinka hore.”
Bayaan wadajir ah ayaa lagu boorriyay hoggaamiyeyaasha siyaasadeed ee waddanka Geeska Afrika inay heshiis gaaraan “si nabad ah, loo dhan yahay, xor ah, caddaalad ah, oo lagu kalsoonaan karo lagu qabto” ugu horreyntii.
Saaxiibada caalamiga ah waxaa ka mid ah Howlgalka Midowga Afrika ee Soomaaliya, Beljam, Kanada, Danmark, Jabuuti, Masar, Itoobiya, Midowga Yurub, Finland, Faransiiska, Jarmalka, Urur Goboleedka IGAD, Ireland, Talyaaniga, Jaamacadda Carabta, Holland, Norway, Qatar, Sudan, Sweden, Switzerland, Turkey, Uganda, UK, US, iyo UN.
Waxay ku boorriyeen hoggaamiyeyaasha federaalka iyo kuwa maamul-goboleedyada Soomaaliya inay ku sii amba-qaadaan horumarka laga gaadhay wada-xaajoodka bishii la soo dhaafay “si loo dhaqan-geliyo qaabka doorashada ee 17-ka Sebtember 2020-ka loona gudbo doorashooyinka dib-u-dhac la’aan.”
Heshiiskii la gaaray bishii Sebtember ee la soo dhaafay ayaa loo arkay inuu ahaa tallaabo weyn oo loo qaaday Soomaaliya si ay u qabato doorashooyinka dadban ee baarlamaanka iyo madaxweynaha dhammaadka sannadka 2020 iyo horraanta 2021
Qorshaha ayaa tan iyo markii uu istaagay iyadoo hogaamiyaasha siyaasada ee dalka oo kala qeybsan ay ku kala duwan yihiin sida loo sii wado doorashooyinka, in kasta oo madaxweyne Maxamed C / laahi Maxamed uu sharci dastuuri ah ku ekaa 8-dii Febraayo.
“Ma aragno wax lagu beddeli karo oo lagu hirgelin karo hannaanka doorashada ee 17ka Sebtember oo ku saabsan jadwal deg deg ah oo lagu qabanayo doorashooyin nabdoon, loo dhan yahay, xor ah, caddaalad ah, oo lagu kalsoonaan karo,” ayaa lagu yiri bayaanka.
Saaxiibada caalamku ma taageeri doonaan hannaan doorasho ama qeyb ama isbarbar yaac ah ama waxqabad kasta oo horseedaya kordhinta howlaha horyaala.
Quwadaha adduunka ayaa sheegay in hoggaamiyeyaasha Soomaaliya ay tahay inay “ka faa’iideystaan fursaddan xalka siyaasadeed ee nabadeed ee horseedaya doorashooyinka,” iyagoo ku boorriyay “inay sameeyaan tanaasullada lagama maarmaanka u ah danta ummadda Soomaaliyeed iyo dadkeeda.”
“Saaxiibada caalamku waxay sii wadaan dadaalkooda ku aadan isku soo dhaweynta daneeyayaasha Soomaaliyeed. Waxaan mar kale ku celinaynaa sida ay nooga go’an tahay inaan taageerno hirgelinta geeddi-socodka doorashooyinka marka faahfaahinta la isku raaco, ”ayaa lagu yiri qoraalka.
Fariin taas ka duwan, safaaradda Mareykanka ee Soomaaliya waxay ku sheegtay in hoggaamiyeyaasha gobolladu “waa inay sii joogaan Muqdisho illaa heshiis doorasho laga gaaro.”
“Dadka Soomaaliya waxay doonayaan doorasho hadda… Guul darradu maahan ikhtiyaar,” ayay safaaradda ku tiri Twitter
