Home Afsomali Golaha Wasiirada Maamulka Somaliland oo Mushaharkooda ugu deeqay.. (

Golaha Wasiirada Maamulka Somaliland oo Mushaharkooda ugu deeqay.. (

Fadhigii 88-aad ee Golaha Wasiirrada Somaliland oo uu shir Guddoominayey Madaxweynaha Jamhuuriyadda Somaliland, Mudane Muuse Biixi Cabdi, kuna wehelinaayey Madaxweyne-ku-xigeenka Somaliland, Mudane Cabdiraxmaan Cabdiraxmaan Cabdilaahi Ismaaciil (Saylici) ayaa qabsoomay maanta oo ay taariikhdu tahay 10/03/2022.

Goluhu waxaa uu war-biximo ka dhegeystay  Wasiirka Wasaaradda Arrimaha Gudaha, Mudane Maxamed Kaahin Axmed, Arrimaha la xidhiidha Amniga dalka iyo howsha agaasinka iyo qaban-qaabada xuska 18 May ee sannadkan 2022.

Sidoo kale Wasiirka Horumarinta Khayraadka Biyaha, Mudane Cali Xasan Maxamed (Cali Mareexaan) ayaa golaha uga war-bixiyey xaaladda abaarta dalka iyo safarkii ay Guddida Gurmadka Abaaruhu ugu baxday gobolada barriga, isagoo xusay in abaarta ka jirta dalku ay sii ballaadhanayso marba marka ka danbaysa, dhammaan gobolada dalkana ay ka jirto abaartu, haba sii kala darnaadaane.

Dood iyo falan-qayn dheer ka dib waxa fadhigii maanta lagu go’aamiyey, si loo barbar istaago dadka ay abaartu saamaysay in Madaxweynaha Somaliland, Madaxweyne ku-xigeenka iyo xubnaha Golaha wasiirradu ay hal bil mushaharkood ugu deeqaan hawlaha gurmadka iyo taakulaynta abaarta, si loo dardar-galiyo lana xoojiyo hawlaha gurmadka abaarta.

Ugu danbayntiina goluhu waxaay soo jeediyeen in laga qaybqaato hawlaha qaadhaan ururinta ee ay kaga qayb-qaadanayaan ganacsatada, qurbo-joogta iyo dadwaynaha reer Somaliland ee ay taakulaynta abaarta kula barbar istaagayaan dadkooda tabaalaysan.

Previous articleCiidamada Ruushka Oo Qabsaday Magaalo Ay Ku Hareereysnaayen Laba Todobaad
Next articleDowladda UK oo xayirtay hantida milkiilaha kooxda Kubada cagta Chelsea

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.