Home Afsomali Madaxweyne Ismaciil Cumar geele oo lagu soo dhaweeyey Muqdisho

Madaxweyne Ismaciil Cumar geele oo lagu soo dhaweeyey Muqdisho

Madaxweynaha Jamhuuriyadda aan walaalaha nahay ee Jabuuti Mudane Ismaaciil Cumar Geelle iyo wafdi ballaaran oo uu hoggaaminayo ayaa saaka soo gaaray magaalada Muqdisho.

Madaxweyne Geelle oo booqasho rasmi ah oo labo maalmood ah ay uga bilaabatay dalka ayaa waxaa Garoonka Aadan Cabdulle ku soo dhaweeyay Madaxweyne Maxamed Cabdullaahi Farmaajo, xubno ka tirsan Golayaasha Dowladda iyo qaybaha kala duwan ee bulshada ku nool Gobolka Banaadir.

Madaxweyne Ismaaciil Cumar iyo wafdigiisa oo si heersare ah loo soo dhaweeyay ayaa waxay isaga iyo Madaxweynaha Jamhuuriyadda Federaalka Soomaaliya salaan sharaf ka qaateen cutubyo ka tirsan Kooxda Baambayda ee Ciidanka Xoogga Dalka Soomaaliyeed, waxaana isla goobta loogu garaacay astaanta Qaranka ee labada dal.

Madaxweynaha iyo wafdigiisa ayaa waxaa loo galbiyay Aqalka Madaxtooyada ee Villa Soomaaliya halkaas oo ay maanta iyo berri wadahadallo labo geesood ah kula yeelan doonaan madaxda Qaranka.

Soomaaliya iyo Jabuuti waxay wadaagaan xiriir qotodheer oo ku dhisan dhiig iyo dhaqan, waxayna booqashada Madaxweyne Geelle ee Muqdisho sii xoojinaysaa iskaashiga labada dal ee dhinacyada amniga, dhaqanka, siyaasadda iyo ganacsiga.

 

BE2I0301
BE2I0310
BE2I0313
BE2I0323
BE2I0344
BE2I0357
BE2I0364
BE2I0391

DHAMMAAD

Previous articleMadaxweyne Muuse Biixi Oo Qaybo Ka Mida ah Caasimada kuLa Caweeyey, Badhna Kormeer Ku Soo Maray( DAAWO SAWIRADA )
Next articleMADAXWEYNE FARMAAJO IYO DHIGGIISA ISMAACIIL CUMAR GEELLE OO WADAHADALLO KU YEESAHY VILLA SOOMAALIYA (DAAWO SAWIRADA )

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.