Home Afsomali Dowlada FD oo waxba kama jiraa ka dhigi rabto Heshiisyadii hore ay...

Dowlada FD oo waxba kama jiraa ka dhigi rabto Heshiisyadii hore ay u saxiixeen madaxdii ka horeysay

Shir ay isugu yimaadeen madaxda Wasaaradda Ganacsiga iyo Warshadaha JFS oo uu shir-guddoominaayey Wasiirka Wasaaraddaasi Inj. Cabdullaahi Cali Xasan, sidoo kale ay ku sugnaayeen Agaasimaha guud ee Wasaaradda, La-taliyeyaasha iyo Agaasime Waaxeedyada, ayaa loogga dooday dib-u-eegis ay muddooyinkii dambe Wasaaraddu ku waday sharciga Maal-gashiga Shisheeye ee Soomaaliya.

Sharcigan oo hore loo ansaxiyey 2016kii, ayaa sababta dib-u-eegista looggu sameynayaa ay tahay qodobo ka mid ah sharcigaasi oo wakhtigan aan munaasib ku ahayn dhiiri-gelinta Maal-gashiga Soomaaliya sidoo kale na aan la jaan-qaadeyn shuruucda Maal-gashi ee caalamiga ah.

Guddidii hawshan loo xil-saaray oo iskugu jirtay khubaro sharci iyo mas’uuliyiin ka tirsan Wasaaradda, ayaa halkaas ka caddeeyey in wakhtigan uu heer-gebo gabo ah maraayo dib-u-eegista sharcigan, waxaana ay carabka ku dhufteen in Wasaaraddu ay xoogga saarayso siddii sharciga Maal-gashiga shisheeye uu u noqon lahaa mid soo jiita Maal-gashadeyaasha caalamiga ah, sidoo kale na ka qeyb-qaata horumarinta ganacsiga iyo kobcinta dhaqaalaha Soomaaliya.

Dib-u-eegista lagu wado sharcigan, ayaa waxa sidoo kale ka soo bixi doona qodobo dhisi doona hay’adda qaran ee horumarinta Maal-gashiga, kuwaasi oo qeexi doona shaqada hay’adda iyo awoodaheeda qaran. Iyada oo ka shaqeyn doonta guud ahaan dhiiri-gelinta hawlaha maal-gashi ee wadanka.

Wasiirka Ganacsiga iyo Warshadaha JFS Inj. Cabdullaahi Cali Xasan oo ugu dambeyn halkaas ka hadlay, ayaa ku dheeraaday ahmiyadda uu sharcigani u lee yahay qaranka, waxaana uu xeel-dheerayaasha sharci iyo madaxda kale ba uu ka codsaday inay maalmaha soo socda la dhammeystiro dib-u-eegista sharciga Maal-gashiga Shisheeye ee Soomaaliya si baa uu yidhi Maal-gashadeyaasha caalamka looggu fududeeyo maal-gashiga ay ka sameynayaan wadanka loona horumariyo ganacsiga iyo guud ahaan ba dhaqaalaha Soomaaliya.

Previous articleOGEYSIIS MUHIIM AH. oo ku socda Dhamaan belaha daga. Gobolka Banaadir
Next articleAqriso Sababta Kismaayo looga reebay Qorshaha Furista duulimaadyadda

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.